أنا هعمل كراسه رمضان !!

أ،ا أخدت الفكره من اصحابي ربنا يبارك فيهم
جبت كراسه وحضرت قلمى وهبدأ بسم الله

(1)
اول صفحه هكتب الدعوات
الي نفسي ربنا يحققهالي
والي بدعي بيها طول عمري
بالترتيب من الاهم للمهم
وانا عندي ثقه فالله
أنه هيحققهالى

(2)
تانى صفحه هكتب الاذكار الي هقولها
الاستغفاروالاذكـار
هصلي ايه زياده عن صلوات الفروض
هكتب اي دعاء مر عليا قبل كده وحفظته عندي
اي موضوع عجبنى وحفظته عندي
هكتب الي جواه عشان اعمله
ورد القران بتاعي (الختمه)
وهكتب السور الي هقراها كل يوم
(البقره_يس_الشمس_الليل)

(3)
تالت صفحه هكتب دعوات اصحابي
الي وصونى ادعيلهم وهدعيلهم
في اوقات الاستجابه (يارب تقبل منى ومنهم)

وهعمل تذكير عالموبايل بكل ده
عشان عارفه نفسي بكسل وبنسي
بس ان شاء الله وادانى عمر مش هنسى
أنا مستنيه رمضان السنادي بفارغ الصبر
عشان انا فى طاعات كتير مكنتش اعرفها
ودعوات كتير نفسي ربنا يحققهالي
نفسي نفسي اوى بجد
وربنا يعلم بالكرب الي أنا فيه
ربنا وحده قادر يزيله عنى

متقلقوش يابنات انا دايما فكراكو في دعواتي
بدعي للمشتاقه للحمل
وبدعي للي بيمتحنو
وبدعي للي نفسهم يشتغلو
وبدعي للبنات بالزوج الصالح
وبدعي للناس بالهدايه والمغفره
وبدعي للاموات بالرحمه
وبدعي للمرضي بالشفاء

مش رياء وفالاخر طالبه منكو طلبين
الاول ..
اعملي كراسه رمضان واكتبي الي انتي عيزاه
وادعي واعبدي ربنا اكتر من اي وقت

ثانيـا ..
ادعيــلى
يمكن يكون فيكو بنت صالحه
ربنا يستجيب لها بأذنه ياااااارب

ورمضــان كريم يا بنات
منقول
وممكن كمان واحنا بنقرا ورد القرآن
وتمر بينا آية مؤثرة
نكتب فى الكراسة اسم السورة ورقم الآية
عشان ندور عليها فى التفسير
((الدال على الخير كفاعله))