أبسألك..ليه الأمانة بالقلوب في زماننا تحتضر

أبسألك..
ليه الأمانة بالقلوب في زماننا تحتضر ؟؟!!
وليه المحبه والموده تنداس بأقدام البشر ؟؟؟!!
وليه الصداقه ذابله ومن الخيانه لامفر !!
ولا من زرعت الخير في الدنيا يحاصرك الخطر ....
أبسألك..
ليه إذا وفينا تنجرح راحه إيدينا!!
وإذا خطينا قامت الدنيا علينا؟!
أبسألك..
ليه مانقضي بألم كل القلوب الخاينه حتى الممات ؟؟
أبسألك..
ليه نلقى في زماننا جروح وأحزان وهموم ........
ليه التفاؤل والفرح يبقى ثواني مايدوم ........!!
ليه العيون الخايفه وبعض المشاعر زايفه ؟؟
أبسألك..
ليه دايم ننتظر لين آخر هالعمر حتى الصبر مل وأختار السفر ومابقى إلا الهموم مكتوبه لك طول الدهر !!!!!!
أبسألك..
ليه في كل إبتسامه ألقى قدامي دموع وكل دمعه من دموعي تطفي شمعة من الشموع ؟؟؟!!!!
وليه أرحل دام همي هو همي مايتغير ومايزول حتى لو حل الفرح هو ثواني مايطول ***

أبسألك..
دامك الصديق والقريب!!
أبسألك..
" يمكن ألقى منك جواب "
أو يمكن بس أفهمك أني تعبت من الهموم وأنك تتعبني وتعذبني معاك و أني أغليك..
لكن شعوري فيك يتعبني ..
وكل جرح من جروحي يعلمك أني تعودت على العذاب ...........
أكيد عندك جواب لكل سؤال وكل عتاب ..
أبسألك..
فهمني..
بس سؤال
وصارحني..
كل الناس مثلي أو أنا وحدي همومي تسري فيني ؟
جاوبني.. إذا تعرف الجواب!!!!!!
صدقني
أصعب شي إذا كنا نبيع إحساس
أصعب شي فهالدنيا
قلوب هالناس كيف نفهمها؟
وهي تجهلنا...
ومانجهلها...
كيف نرضيها..؟
والرضا ماهو من معانيها..
...تدري..
وش أصعب شي على إبن آدم؟ لاصار يحب وهو نادم
"مسكيـــــــن"
مافي يده حيله...'
"مسكيـــــــن"
ماهو لاقي من يشتكي له...
...وتدري..
فوق هذا كله!.!
فيه حاجز يبرر لحظة صدودي
ماهو أني "شخص عاجز" بس لأني أعرف حدودي...
أنا عطيتك برضاي مابي منك رد
-مهتوي أسبق خطاي-
أفديك بكلي ولو جاني منك الصد...
أدري أني عنك "بعيد" وأنك عني "بعيد"
وأدري بعد أن دربي عن دربك يحيد لكن <<القلوب >>مين يملكها؟!
مين يقدر يحركها؟!
غير رب العباد وغلاك بقلبي باقي ليوم الحساب..
ماهو"حـــــــب"اللي حملته
ولا هو"عشـــــــق" اللي كتبته
كل اللي فيني لكـــ..
"إحســـــــاس ومشـــــــاعر"
ماني عارف كيف أشرحها
يكفي إني لجلكــ صرت أعاند الكلمه وأجبرها تنكتب لكــ..
هذي هي 0الحياة0
وهذا هو0طبعها

آآآه ياقلبي لمتى هذا الأسى؟
آآآه ياقلبي لمتى هذا الألم؟
أرجوكــــ
أفهم هالزمان وأفهمني
أرجوكــــ
أعذر خوفي وأرحمني ....!!
أبيك لو مره تذكرني)
لاتصير مع هالزمن قاسي
وتكون لأيامنا ناسي
صدقني مانسيتك يوم
مهما كثرالعتب واللوم
ولوحتى قستك الأيام علي ونسيتني!!
ولهيت بدنيتك]
صدقني ذكرياتك باقية ومستحيل أنساها
وبظل أسترجع ذكراها'،'
لاتظن إني تعمــدت
الغيــااب ..
الظروف اللي تبيني أفقــدك ..
والله إن فراقك عندي عــذااب ..
وخايف إن الهجر عني يبعــدك ..
يشهد الله وسط قلبي لك كتــااب ..
"عنوان الكتاب"
"إن ربــي يـســعــدك"
زمان أغبر...
ليالي مالها آخر...
صور متناثرة حولي أبي اجمعها بإستفهام...
بشر تركض إلى لا شئ...
بلا أية سبب ظاهر...
بشر تخدع...
بشر تكذب...
بشر تجرح...
بشر تنضام...
إلى أي مستوى نوصل في ساعة وقتنا الحاضر...
ندوس المبدأ مانهتم...
ونمشي بالخطأ قدام...
تجي لنا مرسى ونخفي وجهنا الساخر...
نبرر فعلنا الخاطئ...
ونحط الشرط بالأحكام...
هذا الطيب المخلص...
وهذا الكاذب الغادر...
يعيشوا في قفص واحد...
عجيبة دورة الأيام...